رواية للقدر رأي آخر كامله
بعد اسبوع كان الكل فى عمله المعتاد
ولكن تحسنت حالة سليم كثيرا وقرر الذهاب الى الشركة لمتابعة الاعمال
استبدل ثيابه ونظر للنائمة بعمق قائلا وهو يمسد على شعرها آية حبيبتى
تململت فى فراشها ونظرت اليه وجدته مرتدى حلية سوداء انيقة مع تمشيطة شعر جذابة وعطر رجولى مميز
قفزت من سريرها وقالت ايه دا انت رايح فين ومالك حلو كدة ليه
ضحك عليها قائلا متشكر يا ستى وانا رايح الشركة بس الاول يالا قومى علشان اوصلك الجامعة فى طريقي
تمطعت بتكاسل قائلة لاء يا سليييم خلينى انام وبعدين انت لسة تعبان
تكلم بتهديد محبب قائلا لو مقومتيش يا آية متلوميش غير نفسك
دثرت نفسها فى الفراش ولم تعطى تهديده اى اهتمام ...وفجأة وجدت نفسها مرفوعة على كتفه ويمشي بها الى الحمام تكلمت مسرعة قائلة خلاص خلاص يا سليم بالله عليك سبنى وانا هجهز والبس والله
تركها بداخل الحمام قائلا كان من الاول
ابتسم وخرج وانتظرها حتى انتهت وخرجت واضعة فوطة عليها تناظره بخجل قائلة انا نسيت اخد هدوم
تكلم بخبث قائلا انا شايف ان معاكى حق انا لسة تعبان
جرت مسرعة الى ملحق الملابس واغلقته عليها وسط ضحكاته .....ارتدت فستان رقيق باللون الكشمير ذو حزام نبيتي وخرجت
نظر اليها وهى تجفف شعرها قائلا هو انتى لازم تبقى حلوة كدة
ابتسمت له وهى ترتدى حجابها قائلة بحب عيونك الحلوة
اتجها للاسفل وتناولا وجبة خفيفة وخرجا متجهين الى وجهتهم ......
يتبع
الفصل 25
الخامس والعشرون والسادس والعشرون
للقدر راي اخر
الجزء الخامس والعشرون
بقلم / اية العربي
وقف سليم امام الحرم الجامعى وكان قد اصطحب رهف معهم وقال آية خلوا بالكوا من نفسكوا ولو احتجتى اى حاجة كلمينى
اومأت له وقبلت وجنته وقالت حاضر يا حبيبى وانتى كمان متتعبش نفسك فى الشغل وتعالى بدرى
قبل يدها قائلا هنروح سوا انا هعدى اخدكوا
نزلت من السيارة هى واختها وهى تلوح بيدها له ودخلتا الجامعة ......
بعد-ما تاكد من دخلوهما ترجل من السيارة وتكلم مع الحارس الذي كان ينتظر بداخل سيارة اخرى قائلا تفتح عينك كويس وتخلى بالك منهم واى حاجة غريبة تحصل تبلغنى
اومأ الحارس اوامرك يا سليم بيه
انطلقا سليم الى شركته
بينما فى الجامعة اوصلت رهف آية الى مدرجها واذهبت
بينما آية لا تعرف ماذا تفعل وسط هؤلاء الطلبة فهم اقل منها سنا فاخرجت هاتفها وتكلمت مع سليم لحين قدوم المعيد
اجاب سليم الذي كان يقود قائلا ايه يا حبيبتى فيه حاجة
اجابته مطمئنه وحشتنى
ابتسم بحب وقال عادى انا ممكن ارجع اخدك ونروح لو انتى عايزة
تحدثت قائلة لاء خلاص انا بس معرفتش اعمل ايه والمعيد لسة مجاش قلت اكلمك
فى هذه الاثناء دخل المعيد ولم تنتبه آية له فقال بصوت مرتفع الانسة اللى بتتكلم فى الفون تتفضل برا
اغلقت الهاتف سريعا وقالت باعتزار اسفة جدااا لحضرتك انا منتبهتش لدخولك بعتز مرة تانية
نظر له بتفحص وقال اسمك ايه
قالت بارتباك آية
فقال ماشي اخر مرة
وبدا المحاضرة
عند سليم ف الشركة دخل عليه مروان قائلا حمدالله على السلامة يا بطل نورت شركتك
اجابه سليم بود الله يسلمك يا مروان متشكر ..ها ايه الاخبار
مروان قائلا ابدا لسة اللى اسمه سامح ده بيراقب الفيلا وبعدها بيروح مكان بيقابل فيه الراجل الكبير واحنا مراقبين تحركاته وبنحاول نوقعه ....اما جمال بقا فانا قد-مت المستندات اللى انت ادتهالى والنائب العام اصدر قرار بالقبض عليه ومش هيخرج من هنالك ابدااا
تنهد سليم قائلا انا كدة ارتحت شوية بس لسة لما نخلص من سامح واللى مشغله
اومأ له مروان مأكدا متقلقش يا سليم كله هيبقى تمام
انتهت آية من محاضرتها وهاتفت رهف قائلة يعنى يا جزمة تخلصي قبلي وتمشي
رهف ضاحكة والله يا آية نسيت انك معايا فى الجامعة ...خلاص بقا متزعليش الوضع لسة جديد عليا وبعدين يا ستى علشان يخلالك الجو مع سولم
آية بتوعد ماشي يا رهف اما اجيلك سلام
اغلقت الخط ..
تكلم من ورائها المعيد قائلا فيه حاجة يا انسة آية انا ممكن اوصلك لو مش عارفة المكان
تكلمت باحترام وصرامة قائلة شكرا لحضرتك جوزى جاى دلوقتى
تصنم فى مكانه فهو لم يلاحظ الخاتم فى يدها ولم يعتقد انها متزوجة فقال متحمحما انتى متجوزة
