رواية الجميلة والۏحش للكاتبة ماهي أحمد

واحده بقي يعوي الذئاب فهمته ومشيت وهو دخل البيت
غالب غمض عنيه ورمي جسمه لورا على الارض ومبقاش مصدق اللي حصل قام بالعافيه من مكانه وبقي يمشي لحد ما وصل لعربيه من العربيات وركبها ومشي
هدير بقت شايفه كل حاجه من الشباك وبقت مستغربه
اول ما داغر دخل عليها
هدير انت ماقتلتهووش ليه ازاي تخلي واحد زي ده يعيش.
داغر سابها وبقي ماشي هدير بقت تمشي وراه دخل على الحمام وفتح الحنفيه بتاعت الحوض ومسك التي شيرت بتاعه وخلعه مره واحده من الرقبه ورماه هدير شافته كده راحت بلعت ريقها وبقت تبص على جسمه المتقسم واخدت بالها من السلسله اللي لابسها لتاني مره وبعدها وطى وحط ايده تحت المايه وبقي يغسل ايده من الدم
هدير بتوتر وهي بتبص على جسمه انت. انت برضوا ماقولتليش انت ليه مش مۏته ياداغر.
داغر جاب الفوطه وبقي يمسح ايده ورماها في وشها
داغر خلاص خلصتي
هدير شالت الفوطه من على وشها ورمتها وهي متغاظه منه في الارض
هدير خلصت اي.
داغر بلا مبالاه اسئله
هدير يعني انت جاوبت
داغر الطفله فين.
مره واحده الطفله نزلت من فوق وجريت على داغر وداغر شالها اخدها في حضنه
الطفله وداغر شايلها ووشها في وشه
الطفله شوفت كل حاجه من فوق وكنت عارفه انك مش هتقتله
داغر عارفه كل حاجه انتي صح.
الطفله اربع سنين وانت بتحكيلي على اللي كان بينكم ماقتكرش انك هتقتله بسهوله كده
داغر اربع سنين وانتي ساكته مابتكلميش
الطفله كنت بحب اسمعك وبس
داغر وانا كنت ھموت واسمع صوتك وبس
الطفله الذئب. الذئب جريح
داغر ماتقلقيش مش ھيموت
الطفله عارفه لو كان ھيموت مكنتش هتبقي هادي كده
داغر طيب يلا بقي عشان نساعده
هدير وهي متغاظه داغر انا مش بكلمك ولا انا مش موجوده في حياتك اصلا.
داغر وهو متنرفز هدييير سبيني دلوقتي
هدير لاء مش هسيبك الا لما تعرفني انت ليه ماقتلتهووش
داغر اتعصب وتنرفز مابيحبش حد يؤمره يقول حاجه هو مش عايز يقولها
داغر سبيني دلوقتي ياهدير
هدير مش هسيبك ياداغر
داغر بنرفزه وابتدي يقلب على الوش التاني بصوت خشن
بقولك سبييييييني
هدير وهي دايسه على سنانها قولت. لاء. مش. هسيبك.
الطفله فهمت داغر وعرفت ان خلاص ابتدي يتعصب اتخبت بسرعه تحت الطرابيزه داغر داس على سنانه ومسك هدير اداها حته قلم على وشها شفايفها جابت دم
داغر زقها في الحيطه وبقي وشه في وشها وهدير شعرها بقي على وشها من كتر القلم اللي اخدته
داغر بكل غيظ اوعي في يوم تفتكرى نفسك بقيتي حاجه في حياتي عشان تدي لنفسك الحق انك تسأليني عن حاجه انا مش عاوز اجاوبها وضم صوابع ايده وضړب الحيطه. الحيطه الخشب طلع.
هدير وقتها من كتر الړعب بقت حاطه ايدها على وشها مكان القلم اللي خدته رفعت شعرها من على وشها ودموعها نزلت منها داغر شم ريحه الدم اللي نازله من شفايفها غمض عينه واتنهد وجوه نفسه زعل انه مد ايده عليها رغم انه مد ايده عليها كتييير بس المره دي كانت غير اي مره بالنسباله وبالنسبه لهدير كمان
داغر سابها واخد الذئب وطلع بره عشان يعالجه والطفله جريت عليها واخدتها في حضنها.
هدير بقت مصدومه من اللي حصل وعرفه مكانتها كويس اوي عند داغر
داغر طول اليوم كان بره وبيعالج الذئب وفي نفس الوقت كان بيلوم نفسه على اللي عمله
الليل ليل وهدير اخدت الطفله وبقت نايمه في حضنها وبتلعبلها في شعرها لحد ما الطفله راحت في النوم.
داغر اخيرا دخل البيت هدير بسرعه اول ما حست بي عملت نفسها نايمه وغمضت عنيها اللي عمله معاها جرحها اه الاول كان بيضربها ويبهدلها وېموتها بس ده كله كان في الاول قبل ما يحصل ما بينهم كل ده قبل ما يخافوا على بعض وقبل ما يحسوا ببعض. قبل ما يلمسها وتلمسه لكن دلوقتي كل حاجه اتغيرت.
داغر نزل تحت القبو لقاها هي والطفله ونايمين قعد على ركبه ورفع ايده كان عايز يلمسها. ېلمس بأيديه شفايفها اللي جابت دم بسببه بعدها حاجه منعته وداس على شفايفه ورجع في كلامه وهو متوتر واتنهد ونزل ايده جنبه هدير حست بي راح بسرعه اداها ضهره
هدير قامت ونيمت الطفله على المخده
هدير وقفت ورا داغر وهو كان مديها ضهره
هدير بصوت حزين انا عايزه اروح.
داغر اول ما سمع الكلمه دي زي ما يكون قلبه اتقبض لف وبصلها بسرعه
داغر انتي بتقولي اي
هدير اللي سمعته. عايزاك تنفذ وعدك معايا. الطفله واتكلمت وغالب مافتكرش انه هيقرب منك تاني بعد اللي حصل يبقي انت كده مابقيتش محتاج عنين عشان تشوف خلاص ببقي ارجوك رجعني مصر ونفذ وعدك بقي
داغر هتبقي مبسوطه لو رجعتي
هدير بلعت ريقها وهي متوتره ا. اكيد. اكيد. هبقي مبسوطه طالما بعيد عنك.
داغر للدرجه دي انتي تعيسه عشان قريب منك
هدير ادته ضهرها ورفعت شعرها ورا ودنها بتوتر
هدير في نفسها قولي. قولي ماتزعليش مني. قولي حقك عليا كان ڠصب عني. قولي مش عارف عملت كده ازاي. قول اي حاجه ماتبقاش ساكت وبس
داغر قرب منها وهي مدياله ضهرها وبقي نفسه في ودنها
داغر بهمس وهو بيتكلم في ودنها انطقي ياهدير للدرجه دي تعيسه معايا.
داغر في نفسه قولي لاء. قولي انك بتكوني مبسوطه وانتي جنبي ومعايا قولي انك عايزاني. قوليلي ماتسبنيش
هدير من كتر قرب داغر ليها غمضت عنيها وبقي نفسها طالع نازل. داغر لمس ايد هدير بصوابعه واول ما صوابعه لمست ايديها هدير اترعشت وحست باحساس اول مره تحسه بحياتها. ومره واحده افتكرت القلم اللي داغر ضربهولها ومش هاين عليه حتى انه اسف وبكل ڠضب قالتله.
هدير بكل غيظ ايوه. من ساعه ما جيت البيت ده وانا مش طايقه اقعد هنا وبحس اني مخنوقه وبعد الثواني والدقايق عشان ارجع بلدي وابعد عنك
داغر سمع الكلام ده منها وحس بي انه طالع من قلبها بجد
داغر بكل عند اعملي حسابك مع اول خيط شمس هيطلع هرجعك بلدك.
هدير اول ما سمعت الكلمه دي قلبها زي ما يكون اتقبض وحست خلاص انها فعلا هتبعد عن داغر ومش هتشوفوه تاني راحت نفخت في وش داغر وسابته وهي متغاظه انه مقلهاش كلمه حتى تطيب بخاطرها ورجعت نامت تاني في حضن الطفله بس منامتش كانت صاحيه داغر فضل واقف قدام الشباك وقفته المفضله مانامش وبقي مستني الشمس تطلع وهدير كانت بصاله وهو واقف ومنامتش ومكانتش عايزه النهار يطلع ابدا عشان ماتمشيش. هما الاتنين كانوا صاحيين اليوم ده منامووش ابدا وهدير بتبص لاقت الشمس طلعت داغر صحي الطفله وهدير اول ما داغر جه عليها عملت نفسها نايمه.
داغر اصحي ياطفله لازم نمشي
الطفله الطفله بنوم هنروح فين على الصبح كده
داغر لازم نمشي. يلا
داغر اخد الطفله شالها وادا ضهره لهدير
داغر انا عارف انك صاحيه مش نايمه. يلا قبل ما ارجع في كلامي
هدير بصوت واطي ياريت
داغر قصدك اي
هدير بتوتر بلعت ريقها اقصد. اقصد ياربت ماترجعش في كلامك
داغر ماتقلقيش مش هرجع.
داغر اخد الطفله وفتح صندوق والصندوق ده كان في دهب أمه كانت شيلاه وهو ده الحاجه الوحيده اللي بيصرف منها وكل ما كان اللي بيجبلهم الحاجه يجبلهم كان بيديله كل شهر