المهندس نور

انت اصلا ما تقدريش تستغني عن ياسمين في حياتك ده اللي مفرحك مش انها بقيت اختي ..
نور اتكلمت بهدوء
: انت ما تعرفش وجود ياسمين في حياتي يعني كنت هابقى خائفه ان وجود هيضايقك، ياسمين انا وهي طالعنا مع بعض كل واحده فينا كانت مفتقده حاجه ثانيه بتكملها لكن دلوقت انا مطمئنه انها هتبقى موجوده في حياتنا شيء اساسي
وضحكت وهي بتتكلم :
رغم انه وجود عمر في حياتها مش هيسمح لنا اصلا ندخلها 
كريم هو ونور  ناسيين خالص  ان نور ماسكه في ايدين كريم على الدركسيون :
اوعديني يا نور تحكي لي حياتك من الاول عايزه اعرف عنك كل حاجه وانا كمان هاحكي لك ونبقى كتاب مفتوح لبعض وحط يده الثانيه على يديها ضغط عليها جامد .
نور حست  مش ايديها بين ايدين كريم الاتنين
لا دا قلبها ، وشها راح عبارة عن فراولة وحاولت تخرج صوتها :
 ان شاء الله..وعلى مضض كملت:
نبقى ڈم ..ا كتاب مفتوح لبعض

كريم شاف وشها ضحك وفك حصاره عنها، اتحرك  بالعربيه وهو بيقول لها: تعالي نقعد في اي كافيه على النيل
**
وصلوا كريم ونور الكافيه ، وهما داخلين لمحت نور ياسمين وعمر قاعدين ..وقفت مكانها
وهمست:
كريم ..بص هناك

كريم شافهم ووقف ردت وقالت له:
تحب نمشى ..يلا بينا
كريم كان محتار بس للاسف كان الوقت فات، وعمر نادى عليه 
:كريم تعالى
انتفضت ياسمين وبصت ناحيتهم..
كريم اتحرك هو ونور ..بس اخد قرار ان المواجهة شى مهم..
عمر قام من مكانه وقعد على الكرسى اللى جنب ياسمين وبهدوء قالها:
مالك..قلقانه ليه انا جنبك...كده احسن يا ياسمين،  المواجهة لازم تحصل ودا اخوكى .. حقيقه مش هتتغير 

[[system-code:ad:autoads]]
ياسمين فضلت ساكته لحد ما كريم ونور قعدوا 
كريم بيبص على ياسمين،  نوعا ما الموضوع دا ضايق عمر ..نور حاولت تتكلم
:عامله اى يا ياسمين دلوقت
ياسمين هزت دماغها ومتكلمتش

فجاة لقوا كريم بيضحك بصوت عالى جدا ، وبعدين حطت ايده على وشه واتكلم من غير ما يبص لحد
:مكنتش اعرف ان بكيزة وزغلول 
واحدة ھتكون مراتى والتانية اختى 
وكمل وهو بيضحك بس عينه فى عنين عمر
:اول مرة شفتهم كان بره الكافيه دا ،نور بتتخانق مع ياسمين وبتقولها يا زغلول 
وقتها انا قلت على نور ..بكيزة
تعرف ان اول مرة اكلم حد او ادخل فى خناقة
معرفش ليه بالذات دول الاتنين وقفت معاهم وبقيت مبسوط انى شفتهم ..
عشان زغلول تبقى اختى..وبص لياسمين 
ونور تبقى مراتى..بص لنور

كريم وياسمين اخوات بس محدش فيهم عاش حياة أحسن من التانى ، ولا فيه حد بيعيش مبسوط علطول ولا زعلان علطول..الدنيا كل يوم فى حال

عمر هو اللى اتكلم بعقل:
احنا اتفقنا ان هنبدا حياتنا من جديد ، هنكتب فى كتاب ابيض ونسجل أيامنا الحلوة
نور اتكلمت :
احلى ما فى الموضوع اننا هنفضل مع بعض ..صح يا زغلول 
ضحكوا كلهم وكريم اللى اتكلم
:بصفتى اخوها الكبير..هاجل فرحكم من بكرة ليوم الخميس الجاى وتتجوز سوا

عمر بضحك:
احنا مش هنتقطع على بعض، كل واحد يخليه فى حاله..بلاش النهاردة تكون الكبير ..ممكن انت تتجوز معانا بكره 
ضحكوا كلهم

كريم اتكلم بصدق
:نور بالنسبه لي كانت احلى حلم ..بس زاد حلاوته بوجود ياسمين..ياسمين انا معاك ومش هسيبك 
الماضى خلينا ننساه ونفرح سوا
والفرح اتأجل فعلا عشان يعملوا ليله من ليالى الف ليلة وليله ...
إلى إلقاء فى الخاتمة
**