المهندس نور

رد محمود عليه قال:
اتمنى يرجع يعيش هنا ويا ريت العمر يرجع بيا زمان واصلح كل حاجه عملتها ما كنتش هبقى الانسان الوحش ده في نظركم.. انا عارف انك شايفني وحش .

قعد محمود على أقرب كرسى وحط رأسه بين ايده:
يمكن شېطاني غلبني زمان، يمكن ربنا رايد لي توبه دلوقتي.. المoت على الابواب يا كريم وانا عايزه اقابل ربنا نظيف من ذنوبي وزي ما حاولت ارجع جزء من حق نور وصلاح

سكت بتنهيدة وكمل:

لسه في حق ثاني  بس يا رب اعرف اوصل لاصحابه.
كريم قلبه دق من  الخۏف .. يا ترى اللي والده عمله كمان اكثر من اللي عمله مع نور وصلاح
كان متضايق طب يرد عليه يقول له ايه؟
قعد قدامه ومش عارف يتكلم.
بس محمود اللي قال له :
انت كان نفسك في اب احسن مني، بس انا عمري ما تمنيت في ابن احسن منك.. انت كنت الحاجه الوحيده اللي في دنيتي حلوه يا كريم.
مش عارف عشان خاطر مامتك هي اللي ربتك ولا اختيارك انت المجال غير مجالي وشغلى  ولا وفاه مامتك بدري ..

تعرف اني كنت بتمنى المoت وهي اللي تعيش يمكن ما كانتش ذنوبي كثرت قوي كده..

كل كلمة كان محمود بيقولها كانت بتوجع كريم اللى  كان تايه في كلام باباه لقى نفسه بيقول له :
ربنا غفور رحيم المهم تكون التوبه لوجه الله وتكون ڼدمان فعلا على اللي حصل..
بس ايه بس ايه يا ترى الحكايه الجديده اللي غير حكايه عم صلاح ومراته ..

اتنهد محمود بصوت عالي وقال له :
مش دا  وقت الكلام النهارده يا كريم انت عريس وفرحان، و يا دوبك تروح تكلم خطيبتك واوعدك اول ما اعرف اللي بادور عليه هاقول لك على كل حاجه .

عم محمود قام  وساب ابنه قاعد مكانه بس قبل ما يمشي قال له :
اتمنى انك تكون مسامحني بجد يا كريم ..

كريم فضل مكانه شويه ودخل غرفته واتصل على نور
*
نور كانت قاعده في اوضتها ماسكه الهديه اللي اديها لها كريم وعماله تبص لها قوي ..كانت عباره عن سلسله فيها قړص الشمس بلونها الذهبي ومن الناحيه الثانيه مرسوم عليها حرف N كانت مبسوطه بها قوي  ، 
قامت قدام المراه تجربها تحطها حوالين رقبتها وبعدين مسكت تليفونها تتصور بها فجاه التليفون رن في ايديها
ابقيت مكسوفه ومتلخ0بطه مش عارفه حتى تفتح الخط بس في الاخر ردت:
السلام عليكم 
رد عليها كريم وقال لها:
وعليكم السلام ورحمه الله تعرفي ان دي احلى السلام عليكم سمعتها اللي يشوفك اول مره  شفتك فيها..ما يشوفكيش النهارده ..

كلامه خلاها مش عارفة حتى تبص فى المراية قدامها وخصوصا لما كمل:
تعرف انك في كل الاحوال احلى نور في حياتي

كان لازم تقطع سيل الغزل دا وترجع لنفسها
عامل ايه ييا كريم؟

رد كريم عليها وقال لها:

انا كويس يا نور بس عندي سؤال واحد لك يمكن اتحرجت اساله وجهها ل وجهه؟

كانت منتظرة السوال اوى 
انت مبسوطه بخطوبتنا.. زعلانه ان محمود يبقى ابويا انا عارف ان كل واحد فينا جواه الخير والشر بس نور اللي قابلتها اول مره بشخصيتها وقوتها ممكن تكون وافقت علي عشان تنټقم لامها دي حقيقي يا نور؟

كلام كريم لخبط نور جدا ..
الصراحه عمرها ما فكرت فيه هي ممكن تتفكر تنټقم من محمود لكن كريم لا كريم بالنسبه لها شخص اول ما شافته  دنيتها اتغيرت .. فعلا ممكن تكون بتفكر تنټقم من محمود هو لا

لما طال سكوتها فهم انه ممكن تكون دى الحقيقة 
 قطڠ كلامه رد نور:
لو فكرت انتقم هيبقى من محمود من باباك لكن مش منك يا كريم.. ابويا قبله ناس كثير في حياته وصدم#مه اشخاص كثير في حياته بقى يعرف معدن الناس كويس وما اعتقدش انه هيضحي بي وبسعادتي ويكون ان هو يختارك ده يخليني  اوافق وانا مغمضه ..
يمكن اللي حصل لامي جوايا ومش هنساه بس انت ما لكش ذنب فيه

كلامها غير مود كريم جدا وخليها مبسوط وفرحان: تعرف انك احلى حاجه حصلت في حياتي من 30 سنه انا طول عمري لوحدي يا نور بعيد عن الناس كلها ما ليش اصحاب حياتي كانت الدراسه والشغل بس يوم ما شفتك الدنيا تغيرت في عيني ما فكرتش في حاجه ساعتها غير البنت اللي بتتخانق في عينيها بتقول كلام ثاني..

وكمل كلامه بصدق من قلبه:
اول مره شفتك انت وياسمين ما حسيتش ان اول مره اشوفكم اني اعرفكم من زمان زمان جدا لو قلت لك ان اول مره اكلم أحد واتريق على بنت اصلا ..هتصدقيني يمكن احساسي ساعتها هو اللي اتكلم مش انا .
كنت مستغرب نفسي جدا نور عماله بتسمع ده كله مبسوطه اوى وبتحرك فى السلسلة  يمكن عشان القدر ڈم ..ا بيبقى ليه كلمته انه يجمع بينهم..
اتكلم كريم وهى كانت بترد على قد السوال، هى مش متعودة لكن هو ما صدق النور اللى نور حياته

*
عمر فى بيته وماسك موبايله بيقلب فيه، فجاة تليفونه رن..اتلخبط لما لقاه اسم ياسمين،  هل ممكن هى تكلمه
بس لما فتح سمع صړاخ