المهندس نور

محمود قال 
:طب يلا ان كلنا نخرج بقى نطمن عليها عشان كمان صلاح يروح يرتاح
صلاح شاف ان دي فرصه ان محمود يشوف ياسمين يمكن قلبي يقول له حاجه صلاح ما يقدرش يقولها وهم في التجاههم لهناك سعاد كانت مكانها لسه بټعيط  وجنبها عبد الحميد ساكت..
سعاد رفعت راسها تشوفهم وهما جايين عليها ووقفت فجاة ومحمود كمان وقف زى الصنم ومقدرش يتحرك
اللهم صلِّ وسلم وبارك على سيدنا محمد وعلى آله الطيبين الطاهرين اجمعين

26/27
المهندسه نور 
_٢٦_

مابين هذا وذاك انا الحائر بين قلب منهك وعقل مشتت ..
انا العاشق الفائز والمعشوق الخاسر
انا انت ولو تملك القلوب سلطانها ستكون جنتى حياتك
**
وقفت سعاد مش مصدقة بعد العمر دا كله وتشوفه واقف قدامها ، بسرعة قلبت فى البوك بتاعها وطلعت صورة قديمة حاولت تخفيها،  وبصت لها وبصت للراجل اللى قدامها
نفس الملامح صحيح بس الشكل متغير شويه ، بس دى صورة من اكتر من عشرين  سنه، دلوقت الشعر اتغير من الاسمر للابيض وبعض علامات الشيب والكبر ، لكنه هو 
لكن احتفظت بتعبيراتها لنفسها..
فى نفس الوقت اللى محمود اتاخرت خطوته وفضل ماشى بالراحة، كانه بيرجع السنين اللي فاتت والذاكرة كلها..الماضى اللى كان بيدور عليه لقاه واقف قدامه ..
ليه كل حاجة جت فوق دماغة مرة واحدة ، بكرة خيط واتفردت مبقاش عارف يوقفها.. الحساب أوانه جه ومش هيقف..

صلاح  من بعيد بينقل بصره بينهم ..ويقرر  مع نفسه ان  فعلا كل حاجة باوان وربنا كاتب ليها وقت تظهر فيه

نور وكريم كانوا خلاص وصلوا لغرفة ياسمين، هما ماشين ساكتين وحتى مش مركزين حواليهم..نور خبطت عشان تدخل وسمح عمر ليهم بالدخول
:اتفضل يا باشمهندسه

نور دخلت وخطواتها بطيئه جدا، عنيها كلها دموع 
اول مرة تشوف ياسمين كده، صحيح هى ڈم ..ا بتشوف دموعها لكن اول مرة تشوفها مستشفي ومش بتتحرك
كريم كمان دخل يراقب موشرتها الحيويه على الشاشة..
بص على نور لقاها جامدة ، حاول يهزر معاهم 
:مالك يا نور..انت مش عايزة تكلمى زغلول
هتفضلى واقفة كده
عمر اللى سأل :
مين زغلول؟

ضحك كريم وقاله:

دى حكاية طويلة ، انسة ياسمين تحكيها لك ..صح يا نور

ياسمين حاولت تحرك ايدها وعنيها كلها دموع 
وبالعافية شاورت لنور، عشان تيجى عليها وتعضها
زى ما بتعمل وهى متضايقه..
نور جرت عليها وحض0نتها
:الف مليون سلامه عليكي يا حبيبتي 
كده يا زغلول ..تعملى فيا كده ، تاخدى روحى منى
هتخاتق مع مين ومين يرد عليا .. مين هيقولى
الدكتور كان عنده حق يسميك بكيزة
قومى ياسمين افرحى وفرحينى 
ليه تبقى كده وقت ما الفرح دق بابنا   
ياسمين هزت دماغها بتعب وارهاق، عايزة تقولها انت متعرفيش حاجة.
ونور فهمتها بس مش عايزة تتكلم قدام عمر وكريم..
لفت  وشها ناحية عمر وكريم 
:ينفع تخرجوا وتسبونا لوحدنا شويه

عمر مكنش عايز يخرج ، بس ياسمين ابتسمت له وطمنته انه يخرج ..كريم قبل ما يخرج 
:حاولوا تجهزوا عشان تخرجى من المستشفى دلوقت 
مفيش داعى لوجودك هنا انت بقيت كويسة
نور ردت عليه 
:خلاص عشر دقايق ونخرج
وبالفعل خرج كريم وعمر اللى عينه متعلقه بياسمن وكانه بيسيب روحه معاه ولولا ابتسامتها مكنش خرج ابدا ، لأنه عارف ومتاكد ان نور أقرب شخص ليها ، واتمنى انه يجى الوقت ويكون أقرب لها من نور

***
بره غرفة ياسمين 
سعاد ومحمود  نظراتهم  غنية عن اى سوال ،  كل واحد فيهم محتار يبدأ السوال الاول  ..السوال اللى هيكون شرارة الماضى 
بس للاسف فيه حلقة مفقودة عند عند محمود واللى عارفها بس هو صلاح