المهندس نور
الحج عبدالحميد لاحظ نظرتهم دى وفهم انه فيه سر بينهم، هو راجل كبير وعاقل ووجوده مانعهم يتكلموا وقتها قرر ان يمشى وياخد ملك معاه ..اتكلم مع ملك
:تعالى يا ملك معايا نجيب عصير نشربه وكمان نجيب لياسمين
مش أنت بتحبيها
ملك هزت دماغها
ملك بصت لمامتها سعاد وردت عليها
:روحى يا ملك
ولسه هيمشى لقى عمر وكريم خارجين
إللى شافوا الثلاثة واقفين قدام بعض ،نادى عبدالحميد على ابنه عمر
:تعالى يا عمر معانا وعشان تطمنى على ياسمين كمان
عمر وكريم اتعجبوا من وقفتهم بس عمر نفذ امر والده واتحرك
كريم فضل مكانه
ولانه صعب عليه كل اللى هيسمعه ..قرر صلاح ان يبعده ومش هينفع يتكلموا اصلا فى المستشفي وقتها
صلاح سأل كريم
:هى ياسمين هتخرج امته
كريم رد بهدوء وكانه فهم حاجة غريبة:
هتخرج كمان شويه هتجهز بس ونور معاها
صلاح اتكلم بهدوء:
طيب روح مع عمر دلوقت
كريم بيحترم صلاح جدا، محاولش يرفض لكن بص بنظره لباباه كده ، لقاه وشه فى الارض
فهم انه فيه حاجة كبيرة..بس هو اصلا معندوش استعداد حاليا يعرف حاجة جديدة
**
نور مع ياسمين
اللى فجاة بدأت ټعيط اوى اوى ونور تضمها وتطبطب عليها
فجاة صوتها طلع
:انا عرفت هو بيعمل كده ليه.. عرفت ليه بيضر0بنى وبيهنى
مع كل كلمة نور بتضمها..
:انا مش بنته يا نور ..انا مش بنته
وبعد شويه ..نور بتسمع بس
: الحمد لله انى مش بنته ..أنا مبسوطة اوى
عارفة انا عمرى ما حسيت انه ابويا
باباكى بحبه اكتر منه ..حتى بحس انه بيحبنى اكتر
بس انا مش عارفة هقول ل عمر اى
نور ساكته ومش عارفة ترد
خافت تقول لها أن عمر شبه سمع الكلام..لكن خافت تتعب تانى ..دى مصدقت انها اتكلمت
ياسمين وهى موطية راسها
:ينفع اجى البيت عندك لحد يعنى ما ...الفرح يجى
كانت مكسوفة جدا وهى بتقول كده
وكملت ..انا مش عايزة اخرج من بيته
نور حضنتها بحب
:طبعا يا حبيبتي..وھتكون احلى عروسة
ضحكة ڠصب عن ياسمين خرجت منها
:عروسة مجهولة الهوية والنسب
تعرفى يا نور ...امى او اللى امى سعاد تعرفى الحقيقة كلها
بتقول انى بنت اختها واختها دى م١ت
انا النهاردة مش عايزة اعرف الحقيقة دى...
انا عايزة ارتاح منهم كلهم ..
يلا نخرج من هنا الاول
*
دورت عليكي كتير يا سامية الفترة اللى فاتت؟
قالها محمود وهو بيقرب على سعاد ، اللى استغربت كلامه هو فاكراها سامية اختها..
سعاد وسامية كانوا اختين توأم..بس للدرجة دى مش عارف اللى كانت مراته
محمود بيكمل كلامه
دورت عشان أصلح اللى فات
فين بنتى يا سامية؟؟
محمود قال الكلمة دى وهو بيقر0ب من سعاد ، اللى رجعت لورا اول ما بدا يقر0ب منها واتكلمت بسرعة
انا سعاد مش سامية ..سامية م١ت
م١ت يوم ماراحت تقولك انها ولدت وتترجاك تعلن جوازكم عشان خاطر بنتها اللى لسه جاية للدنيا...يدوبك عندها اسبوع
وكملت ببکاء ودموع
:قټلها يوم ما تجوزتها من غير علمنا وضيعت فرحة امى وفرحتنا
وقتلتها يوم ما راحت تقولك انها ولدت البنت
طردتها من عندك
وهى راجعة عملت حاډثة وم١ت ..
منك لله
أنت بتقولى أي
میں اللي ما0تت ... أمته حصل دا
