رواية ام اولاده سالم وليلي
مين بنت هتكون عاوزة تلغي ابوها يا بابا! بس انا كان نفسي اتسند عليك مش تبقي أنت الإيد اللي تغدر بيا!!!
بس لو علي غلطك انا مسامحاك عليك ولو انت شايف اني اخترت اعيش بدل ما اتدفن كل يوم بالحياة ودا غلط ومش هتسامحني فالقرار يرجع لحضرتك...
تحركت تجاه التاكسي الذي أوقفه نادر ورحل الإثنين من أمامه جلست صامته ثم للحظات تنازلت عن قوتها وبكت وهي تحاول اخفاء وجهها عنه ولكنه سحبها تجاهه وضمھا بحنان يمسح دموعها...
_ خلاص بقي شكلك وحش وانتي بټعيطي...
كل سنه وأنتم طيبين يا جماعة... اي رمضان مجاش عندكم ولا اي!!!
نظر الإثنين للسائق بضيق فخرجت ليلي من نادر وقالت بضيق
_ مراته يا اخويا.. مراته هو اي مفيش حسن ظن أبدا..
وضعه نادر يده علي فمها ونظر لها پغضب وتحذير من أن تنطق بكلمة أخري وقال بضيق
_ خدنا علي محطة القطر و خليك في شغلك أحسن..
وصل الإثنين لمحطة القطار وغفت ليلي معظم الطريق فجلس نادر بجوارها صامتها يطالعها بهدوء وقد اتيحت له الفرصه....
بعد ساعات قليلة رحب بهم الجميع في منزلهم مرة أخري جلسوا جميعا في منزل مصطفي و قد اكتملت وأخيرا فرحتهم..
وقف نادر بالمنتصف ثم قال بإبتسامة
_ طيب يا جماعة... أنا قررت ان أنا وليلي هنعمل فرحنا بعد العيد...
نظر نادر لها ثم جلس علي ركبته أمامها وقال بحب
_ ليلي! توافقي تكملي معايا!
وضعت يدها علي وجهها بخجل فهي لم تتوقع أن يفعل هذا أمام الجميع قالت بإبتسامة
_ يلا أهو أكسب فيك ثواب بدل ما تعنس...
ضحك نادر و وقف يضمها بحب..فصفق الجميع لهما وتعالت الزغاريط وتصفير الشباب أيضا...
قال مصطفي
_ خلاص ونعمل انا وآية خطوبتنا معاكم بقي ولا اي!! ولا نخليها فرح علطول!
قال نادر بضحك
_ لا يا حبيبي مفيش جواز دلوقتي.. هي الشبكه بس.. ..
ابتسمت فردوس بحب ودعت للجميع في قلبها ومعهم ابنها وهي تنظر له بحزن بتلك اللحظة أدركت كم كانت كل المسئوليات التي حملها أكبر منه و ثقيلة بشده....
وبمرور الشهر الكريم و أيام العيد المباركة آتي أخيرا يوم الزفاف كان الجميع متألقا ومرتدي لأفضل الثياب...
كان طاهر يتحرك بسرعة كبيرة في كل اتجاه يحاول التأكد من أن كل شيئ كامل فهو لا يريد ان يفسد اي شيئ يوم ليلي المميز..
توقفت أمامه وقالت بجدية
_ أنا عارفة ان مسئولياتك كانت كتير.. بس أنا مش طالبة كتير يا طاهر لو بتحبني مش عاوزة غير دبلة أقول بيها انك خطيبي وبينا وعد جواز وان شاء الله حتي نتجوز بعد عشر سنين هستناك..
ابتسم طاهر
_ بس أنتي اللي زيك يتتاقل بالدهب مش بس دبلة يا وعد...
قالت بضحكه
_ يعم انا راضيه ملكش دعوة..
قال بجدية
_ ودا اللي عاوزة منك معايا يا وعد انك تكوني راضيه بحياتنا راضيه ان انا ببدء من الصفر...
_ انا مش عاوزة غيرك يا طاهر..
قال بحب
_ أنا اللي مش عاوز غيرك.. ربنا يكرمنا ويجمعنا سوا..
ابتسمت له بحب بينما هو ناداه بعض العمال وذهب ليحل مشكلتهم...
تألقت ليلي بفستان أبيض كان أثقل منها حتي ولكنها كانت رغبتها وسعدت بها فشعورها بالحرمان من هذه اللحظة دفعها لتفعل ذلك ولم ټندم لثانية...
أما آيه فهي طلت بفستان بسيط وهادئ بشكل كبير باللون السماوي و معه حجاب من نفس اللون..
قالت ليلي
_ مبروك يا مصطفي عقبال الفرح يا رب...
_ الله يبارك فيكي يا أجمل عروسة.. ربنا يسعدك يا رب يا ليلي....
أخذ نادر يد ليلي ولم ينتبه لحديثها مع مصطفي توقف في المنتصف والجميع يصفق لهم وعند بدء الموسيقي بدأت الرقصه بين الإثنين و هي تضحك بسعادة كبيرة وهي سعيد لسعادتها...
وبالنهاية حملها نادر و دار بها في المكان لدقيقة ثم تركها لتقف مرة أخري...
_ أنا نفذت أول شرط والتالت وشهر العسل هنروحه.. أنا كدا في السليم صح!
ضحكت ليلي وقالت بحب
_ حتي لو مكانش دا كله حصل كنت هفضل بحبك للاسف..
_ يا بنتي ليه للأسف! ليه!!!
بحبك يا نادر والله...
_ وانا كمان يا ليلي.. بحبك..
تمت..
