رواية ام اولاده سالم وليلي

اتقدمت و انت عندك فرصه وأنا هروح أنام.. والله مش بحسد أنا بقر عليكم يا ولاد المحظوظه.. 
نظر الإثنين له بتعجب وهو يتحرك لشقته أغلق الباب خلفه و جلس بالصالة أمام التلفاز استيقظت والدته علي صوت التلفاز فخرجت له.. 
_ اي يا طاهر أنت لسه صاحي هتتأخر في الصحيان علي الشغل.. 
جلست بجوار فوضع رأسه علي كتفها دون أن يجيبها فسألته بقلق 
_ مالك يا طاهر! 
قص لها طاهر كل ما حدث وكل ما كان يشعر به تنهد بتعب ثم قال بهدوء 
_ الحمد لله اني عرفت بدري واني متعلقتش بيها.. 
ابتسمت بأسي وهي تضم وجهه بكفيها وقالت بحزن 
_ طاهر يا حبيبي أنا أكتر واحده في الدنيا نفسي أشوفك بتحب و أشوفك عريس بس الجواز محتاج مصاريف يا طاهر و احنا يا ابني خلاص مبقاش معانا.. 
وكأن طاهر استوعب الأمر الآن فنزلت دموعه 
_ انا عليا لنادر 15 ألف و لمصطفي 20ومبقاش في جيبي فلوس ومبقيتش عارف استلف من مين.. 
_ ليلي باعت الخاتم والاسورة وسابتلي فلوسهم وحلفت عليا مرجعهاش بيهم وقالتلي لما طاهر يسد كل ديونه ومعتصم يقف علي رجله ويخلص كل علاجه يبقي يرجعهوملي اخر حاجه...هي عارفه انك مش معاك تاني وبتقولك اوعي تمد ايدك لسالم يبيع ويشتري فيك... 
قال طاهر بحزن
_ انا فعلا فكرت اطلب منهليلي زي ما تكون حفظاني تفتكري يا ماما هي لسه بتحبني! 
_ طبعا بتحبك يا طاهر بس مش الحب اللي كانت بتحبهولك زمان ليلي شاركتنا وجعنا يا طاهر واكتر حد ممكن يحس باللي مرينا بيه الحب مش بس بين اتنين في انوع تانيه من الحب بتكون أقوي وأنقي بكتير علاقات بدون مقابل.. دا حب ليلي ليك أنت ومعتصم وليا وللبنات... 
_ وأنا بحبها والله يا ماما ونفسي أشوفها مع اللي يستاهلها نادر شكله فعلا بيحبها بس هي شكلها مش هتديه الفرصه وانا مش عارف افضل ساكت عاوز اساعدها تفتح قلبها تاني.. وبالنسبة للفلوس أنا قررت اخد قرض و ادفعه من مرتبي كل شهر نعيش علي قدنا احسن ما نبقي مديونين انا مش هقدر افضل كدا.. اي رأيك يا ماما! يعني لو المرتب نقص كل شهر الفين جنيه الدنيا هتزنق اوي معانا!! 
قالت بتفكير 
_ انا هقولك حاجه انت تاخد القرض بتاع ال 90 الف دا وتسد دينك و بالباقي تفتحلك مشروع صغير.. 
_ طيب سيبيني افكر واسأل وأدرس الموضوع.. 
قالت بجدية 
_ حط في بالك ان مصطفي اتقدم لآية ولو وافقوا ودا غالبا هيحصل فمصطفي هيحتاج الفلوس عشان يجيب الدهب و نادر هيحتاج الفلوس عشان يعملولها خطوبة فلازم من نفسك يا حبيبي تردلهم الفلوس علشان مسئولياتهم.. 
_ معاكي حق يا ماما.. 
بعد مرور ثلاثة أيام أخبر يوسف مصطفي بالموافقة علي أن يجتمع الجميع مساء اليوم للإتفاقيات وقراءه الفاتحة.. 
قضت ليلي يومها في منزل يوسف مع آية لتختار ثيابها وزينتها وهي سعيدة لأجل أخيها ورفيق عمرها سألتها صفاء 
_ ليلي أعمل حلويات ولا كفاية اللي اشتريناها من بره! 
قالت ليلي بضحك 
_ ما كفاية يا طنط هو احنا وحوش هتقضي وهتفيض دي كتير اوي أصلا تعالي بقي اقعدي وشوفي هتلبسي اي!! 
قالت صفاء 
_ يا بنتي لسه هقوم أعمل عصاير و لسه هحط الفرش دا في الصالون علي الكراسي.. 
_ خلاص يا طنط روحي انتي اعملي العصير وهاتي الفرش أنا هوضب الصالون.. 
_ مينفعش يا بنتي انتي من طرف العريس.. 
قالت آيه بإبتسامة 
_ لا والله دا انا حاسه ان ليلي اختي يعني اخت العروسة.. 
قالت ليلي 
_ والله اللي هيأكلني اكتر هبقي من طرفه انا ممكن ابيعكم في ثواني متثقوش فيا كدا.. 
ضحكت صفاء و ذهبت لتخرج المفارش ثم أعطتها ل ليلي وقالت بثقة 
_ يا بنتي عمرك ما تلاقي أحلي ولا أطعم من أكل خالتك صفاء.. 
دق طاهر باب الشقة وهو يحمل كرتونه بين يديه ويلهث بتعب وقال 
_ خالتو صفاء ماما بتقولك طقم الصيني أهوه وبتقولك لو عاوزة حاجة تاني قوليلها قبل ما تلبس وتطلع.. 
ابتسمت صفاء وقالت
_ لا يا حبيبي كتر خيرها أدخل حطه في المطبخ.. 
دقت وعد باب الباب ونظرت للجميع ثم قالت بإبتسامة 
_ مساء الخير ألف مبروك.. 
ابتسمت صفاء 
_ الله يبارك فيكي يا حبيبتي تعالي اتفضلي.. 
_ أنا قولت آجي بدري شوية لو حد محتاج حاجه اعملها.. 
_ كتر خيرك يا حبيبتي تعالي اقعدي مع البنات هنا.. 
دلفت وعد وقالت بجدية 
_ لا انا مش جاية اقعد انا جاية علشان اساعد قوليلي بس اعمل اي انا مش غريبة.. 
خرجت ليلي وقالت بإبتسامة 
_ هقولك أنا هي لسه هتخرج الحلويات في الأطباق ممكن تعملي انتي كدا ممكن تساعدي طاهر.. 
نظر لها طاهر پصدمه ما الذي تفعله هذه الفتاة هو لا يريد الإختلاط أبدا بوعد دلف للمطبخ و وضع الكرتونه علي الطاولة و أخرج لها الأطباق وهي بصمت أخذت الحلوي وبدأت بوضعها في الأطباق وهو يساعدها بلا حديث.. 
اما في الخارج كانت تنظر بكل شيئ برضا ولكنها فتحت عينيها پصدمه عندما وجدت نادر يدلف سريعا وصعد