رواية القادره كامله

:تسلمي يا ست الكل اتفضلي على مكتبي ونظر للسكرتيرة وقال :متدخليش حد ولا تليفونات فاهمة واطلبيلنا 2قهوة مظبوط
جلست سارة  وقالت:انا عاوزاك بكلمتين بس مش عارفة هاينفع اثق فيك ولاايه
دخل الساعي بالقهوة  ارتشف حامد رشفة وقال وهو يعدل من وضع نظارته الطبية وابتسم وقال: انا تحت امرك
تقدري تثقي فيا وتقولي كل الي انتي عاوزاه
سارة:حيث كدة بقى اسمعني ياحامد وركز معايا
عشان كلامنا دلوقتي فيه مصلحة لينا احنا الاتنين
حامد :وانا معاكي في أي حاجة
:بجد
_جربيني
: معايا ولا مع مصلحتك
_مصلحتي معاكي
: قصدك إيه
_ااااا قصدي قصدي ان ان.... اه اكيد مصلحتي معاكي طبعآ
:آه بس المهم انت توافق 
_اعتبريني وافقت انا عارف انك عاقلة ومخك يوزن بلد و...
ابتسمت سارة وهي تنظر لحامد الذي تصبب عرقا وكان متوترا بشدة وقالت : حامد
_تحت امرك
:اسمعني وافهمني كويس اوي  انا عاوزاك.........
رواية القادره
الفصل الرابع والعشرون24
بقلم ميرفت السيد
سارة:عاوزاك تفهمني هل لو سليم خالف شرط من شروط استحقاق الفلوس
دي هايكون في مانع اني اخد الفلوس انا وانت بس
حامد :مش فاهمك
سارة:ركز معايا نصر لما كتب الوصية دي  كان كاتبها وسليم عازب صح
*صح ودة سبب ان نصر عمل كل دة ان سليم معندهوش مسئولية
بقلم مرفت السيد
_بس امسك النقطة دي لو سليم طلع متجوز او خاطب اجنبية وحامل منه هل دة يغير الوضع
*طبعآ الوضع هايتغير وقتها سليم مش هاياخد  الفلوس ومش هاقدر اخالف ضميري واسلمه جنيه واحد طالما مرتبط بأسرة
*الكلام دة قانوني
_لأ دة جواب نصر ليا زي ماساب جوابات ليكم ساب ليا انا كمان
*طيب والشق القانوني
_دة شغلي وملعبي متشغليش بالك
بس هو سليم مرتبط ببنت وحامل فعلا؟
*اه لسة راجع حالا وقابلته وكانت معاه ألمانية اسمها مادي وحامل منه وعاوز يتجوزني وناخد الفلوس ونتطلق ويتجوزها
قولتله طيب وهي دي هاتراعي ال8 الي انت وصي عليهم طبعآ هو مش عارف هيعمل إيه وانا لقيت نفسي تايهة جيتلك
ابتسم حامد:  سارة انتي تستاهلي كل خير سليم طريقه غير طريقك وانا حاولت افهم نصر كدة بس كان معمي بحكم الاخوة والد,م
طبعآ سليم عايش مع البنت دي في شقته صح
سارة:آه اعتقد
حامد :طب ياللا بينا عشان ضميري يلزمني افهمه الوضع
نهض حامد وهم بالانصراف فأمسكت سارة بيد حامد :استنى بس انا مش عاوزة اتجوز سليم
نظر حامد الى يده ثم الى سارة وقال :سارة انتي إيه الي يريحك
تركت يده وجلست جلس أمامها وقال:فهميني انا يهمني راحتك
سارة:سليم زي نصر بالظبط اناني وانا تعبت وكله عليا ياحامد تعبت تعبت
وشهقت وهي تبكي واضعة وجهها بين يديها
حامد بحزن :سارة ارجوكي ماتعيطيش
قالت :ساعدني ياحامد
_حاضر
بقلم مرفت السيد 
:اوعى تتخلى عني زيهم  

_مااقدرش ربنا يعلم بس ماتعيطيش
مسحت دموعها :طيب هتعمل ايه
ابتسم _تعالي معايا وهاتشوفي ياللا بينا
:ياللا بينا
_اسبقيني على عربيتك دقيقة وهحصلك
:ماشي
سبقته وجلست بسيارتها أخرجت مرآة نظرت الى نفسها وقالت محدثة نفسها: اما اشوف اخرتها معاكي يادنيا
لحق بها حامد وركب بجوارها وقال:ياللا بينا ياسارة ومش عايزك تقلقي
توجها الى شقة سليم ورن حامد الجرس فتحت لهم مادي وادخلتهما
خرج سليم قلقا:اهلا ياجماعة خير
حامد :خير ياسليم
سارة:حامد عاوز يتأكد. من قصة ارتباطك بمادي وحملها
سليم باستغراب :ايوة بس ليه
حامد:عشان لو فعلا دي خطيبتك وحامل انت ملكش بالفلوس حاجة
سليم بصد@مة :ازاي
اخرج حامد ورقة وقال :بموجب الجواب دة الي بخط ايد نصر والي بيقول فيه ان لو في طرف منكم وضعه اتغير لايستحق انه ياخد جنيه
سليم بعـ،صبية:مفيش حاجه اتغيرت وبعدين عو دة مش اتفاق كدة بينا وبين بعض ونصر الي ورطنا يبقى نقسم ولامن شاف ولا من دري
سارة:نعم انت مفكر ان الحكاية كدة بمزاجنا
حامد :ايوة طبعا انا بانفذ كلام نصر بصورة قانونيه وواضح انك خبيت ارتباطك وحمل صاحبتك عمدا عشان الفلوس
سليم:لاانا مكنتش اعرف بحملها
مادي لسليم :في إيه
نهرها سليم بعصبيه :استني انتي دلوقتي
جلست مادي بخو.ف
حامد:سليم سؤال واحد وترد عليا
هل انت مرتبط بالبنت دي وحامل منك
سليم :أيوة
حامد:واثق انه ابنك
سليم:ايوة
سارة:ياسلام ومتأكد اوي كدة ازاي
سليم:عشان دي عشرة 6 سنين
حامد بهدوء:تمام كدة انت برة اتفاق الفلوس انت وصي على الاولاد وبس نصر لما كتب الجوابات دي كان فاكر انك فاضي
امسك سليم بحامد وهم بضربه:دة انا اقتلك دة حقي
امسك حامد بيده ودفعه بعيدا عنه وقال:المحاكم قدامك ياشاطر
سارة وقفت حائل بينهما :بس بس خلاص
ونظرت الى سليم:انت نسخة اجنبية من نصر بس عارف انت اغبى من نصر بكتير هو استعجل على موته على ايد واحدة وانت استعجلت خسارتك لمبلغ كبير عشان واحدة برضه
سليم:سارة اعتبري مادي مش موجودة خالص وننفذ الاتفاق
حامد :دة مش اتفاق افهم بقى دة ضمير مقدرش اخالفه ولا اعمل كدة كلام نصر لازم يتنفذ
بقلم مرفت السيد