روايه حب_لا_ينتهى
ساره: ايوه
حبيب: مزهقتيش من القعده لوحدك
عمر بتغير الحوار: ايه ي بابا مش بتحب الخير لبنتك ولا ايه دي لما شوفتها النهارده مصدقتش ان دي اختى مفيش حاجه معاها مش ماركه دي ماسكه موبايل بتمن شقتى
ساره: الله اكبر هيولع دلوقتى
عمر: ي عم مش بحسد بس افتكرينا
ساره: جيبالك لاب معايا احسن من التلڤون بميه مره
عمر: ايوه كده هي دي اختى
حبيب: يعنى عيشه الاغنياء احسن انك تقعدى وسط اهلك
ساره: بابا اكيد مش كده بس انا ماسكه منصب كبير هناك ومقدرش اسيبه فجاءه كده
منى: مش وقته الكلام ده دلوقتى يلا ي حببتى كلى زمانك هتموتى من الجوع
عمر: قوليلى ي ماما عامله ايه النهارده
منى: عامله مكرونه بشامل ومحشى وفراخ وملوخيه وممبار
عمر: كل ده عشان ست ساره ده يوم فرحى معملتيش نص ده
منى: ليكم كلكم
قعدنا على السفره واكلت بسيط وقومت اخد شاور وغيرت هدومى وجاه عمر الاوضه
عمر: ادخل
ساره: اكيد
عمر: مالك مش عجبانى مش دي ساره اللى اعرفها اللى الضحكه مش بتفارق وشها مش دي ساره اللى يبقى في تجمع عائلى تفضل في اوضتها
ساره: انا كويسه بس تعبانه من السفر
عمر: متاكده انا اخوكى لو عايزه تتكلمى اتكلمى
ساره بتردد: عمر احم هو سيف عامل ايه
عمر: لسه بتحبيه
سكت مردتش ارد
عمر: على العموم هو حالته مش احسن منك رافض يتجوز عايش في الشقه اللى حضرتوها سوا بيشتغل ليل ونهار بقا صاحب شركه مع شويه شُركه يعنى بيحاول ينساكى بالشغل زيك
ساره بتمثيل: ومين قالك ان منستهوش انا نسيته وعايشه حياتى كمان
