رواية الم البداية كامله
أميرة دي حاجة غريبة فعلا انتي متأكدة ياريم انك متعرفيش الواد ده . يعني عمرك شفتيه قبل كدة
ريم بنفي لأ انا معرفوش .انا اول مرة اشوفه . بس انتي بتسألي ليه
أميرة لأ ابدا ياروحي انابس بقول يمكن في بينك وبينه عداوة يعني وعمل كدة عشان ينتقم مثلاً متزعليش مني انا بس بفكر معاكي
ريم ولا يهمك ياحبيبتي .بس انا عمري ماشفته ولااعرفه قبل كدة عشان يبقي في بيني وبينه عداوة ومعنديش عداوة مع حد اصلا .وهو ده اللي هيجنني . مين اللي ليه مصلحة يعمل فيا كدة
داليا متقلقيش ياحبيبتي أن شاءالله كل حاجه هتبان
ريم امتا بس انا خلاص اتفض.حت انا دلوقتي في نظر الناس كلها بقت واحدة زبا.لة وبتاعت رجالة
داليا بقولك ياريم . هو لمسك
ريم تصدقي اني معرفش إذا كان لمسني ولا لأ
داليا طيب ماهو كدة في طب شرعي ولو ثبت انو مالمسكيش هيبقى اتحلت
ريم بيأس وممكن يطلع العكس واقضي عمري كله في السح-ن .دا غير الفضي.حة
أميرة ريم ياحبيبتي بلاش يأس وأن شاء الله خير
ريم حتي لو اللي بتقولوه صح وانو فعلا ممكن يبقي ملمسنيش هفضل بردو في نظر الناس إني واحدة مش محترمه وبدخل رجالة بيتي . انتو ناسيين انو كان جمبي علي السرير لما الظابط دخل
داليا بصي هو الحل أن الواد ده يتكلم
ريم وهنعرف نخليه يتكلم الزاي بقا
أميرة متقلقيش ياحبيبتي احنا معاكي ومش هنسيبك.
انا كلمت محامي واكيد هيتصرف
وهنفضل ورا الواد ده لما يتكلم
ريم ربنا يخليكو ليا انا مش عارفه اقولكم ايه علي وقفتكو جمبي وأنكم مصدقين اني مظلومة . لو اي حد غيركم كان ممكن يصد
اميرة قاطعتها ايه الهبل والكلام ده احنا اخوات وعشرة عمر. واستحالة نصدق فيكي حاجه زي كده
ولا حتي نشك فيكي
ريم ابتسمت بوجـ،ـع وهي بتقول ليه ما فارس صدق اني عملت كدة وشك فيا وكملت بدموع تعرفوا . كل اللي انا فيه دا قوم وصـ،ـدمت ي في فارس قوم تاني خالص
اميرة ولا تزعلي نفسك . فارس ده زبالة
وما يستهلكيش اصلا والمفروض تحمدي ربنا انو بان علي حقيقته
عند مامت ريم
كانت بتحاول تكلم ريم علي التليفون بس مفيش رد من ريم وده كان قالق مامتها جدا خصوصا انها عايشه في محافظة تانية مع جوزها بعيد عن ريم
في الوقت ده دخلت دينا بنتها التانية وهي بتقولها مساء الخير يامامي
سـ،ـحر دينا كويس انك جيتي ياحبيبتي
دينا خير يا ماما . مالك قلقانة كدة ليه
سـ،ـحر بكلم اختك ريم ومبتردش عليا
دينا طيب مايمكن مشغولة . انتي عارفة ريم لما بتبقا مشغولة يا بتقفل تليفونها يا بترميه في أي مكان ومبتهتمش ترد علي حد
سـ،ـحر لأ انا مش متطمنة . بقولك ايه معاكي رقم حد من صحابها
دينا اه معايا رقم داليا صاحبتها
سـ،ـحر طيب كلميها بسرعة
دينا حاضر
ورنت علي داليا
دينا مش بترد
سـ،ـحر كليمها تاني
دينا رنت تاني
دينا الو. ايوا ياداليا . عاملة ايه
سـ،ـحر بقلة صبر ما تخلصي . اسأليها علي اختك
دينا حاضر. بقولك ياداليا هي ريم فين .اصل ماما بتكلمها تليفونها مقفول وماما قلقانة
داليا افتكرت لما كانت بتزور ريم وريم قالتلها لومامتها كلمتها أو حد من اخواتها سأل عليها متعرفمش حاجة
داليا اه هي سافرت الغردقة تجيب حجات للشغل . متقلقوش انا كلمتها الصبح هي بس تلاقيها مشغولة وشوية و هتكلمكم
دينا خلاص ماشي يا داليا
وقفلت معاها
سـ،ـحر هاا قالتلك ايه
دينا بتقول انها مسافرة الغردقة تجيب حجات للشغل . اطمني بقا هي كويسة . وداليا بتقول انها كلمتها الصبح
بعد اسبوع
تم الكشف وفعلا تقرير الطب الشرعي طلع وأثبت ان ريم لسه عذر١ء وإن مفيش حد لمسها
بس طبعا حازم كان ليه رأي تاني
حازم كان قاعد في مكتبه وبيشرب قهوه بهدوء
لحد ما دخل العسكري ومعاه ريم بعد ما حازم أمره بجيبها من الحجز
العسكري تؤمرني بحاجة تانية ياحازم باشا
حازم وهو بيبص علي ريم روح انتا
العسكري خرج وقفل الباب وراه
حازم قربي اقعدي
ريم قربت بهدوء وقعدت
حازم بهدوء تقرير الطب الشرعي طلع
ريم بلعت ريقها بصعوبة وضربات قلبها مره واحده بقت سريعة
حازم مش عاوزة تعرفي النتيجة وكمل بسخرية ولا انتي اصلا عرفاها
ريم ط. طلع ايه
حازم وهو بيصطنع الحزن والأسف
حازم. بكذب للأسف الطب الشرعي اثبت أنه بالفعل حصل عـ،ـلاقة غير شرعية
ريم بصد@مة اييه
ريم بدأت في العياط وشهقاتها زادت وهي بتقولو ي.يعني انا كدة خلاص مش هخرج من هنا و هتسح-ن
حازم قام من مكانه وقعد قدامها وقالها شش اهدي
انا لسه عند وعدي . وهساعدك تخرجي من هنا . بس تعملي اللي انا عايزو
ريم بضعف حضرتك عايز ايه
