رواية الم البداية كامله

ريم فتحت عينيها وهي بتقول  معقول اميرة ممكن تعمل فيا كدة وتفكر تأذيني .طب الزاي

بس علطول نفضت الافكار من دماغها

وقالت في نفسها  لا لا اكيد بيضحك عليا . اميرة لايمكن تأذيني  

ورجعت تاني وقالت بشك  بس هو عرف اسمها منين

سكتت ثواني وهزت راسها بنفي وقالت بثقة  لا اكيد في حاجة غلط اميرة دي اختي

ودخلت من البلكونة وهي بتفكر الزاي هتعرف تخلص من حازم

ريم فضلت تدور في الشقة علي تليفونها او اي تليفون تاني بس ملاقتش وقفت في نص الشقة بحيرة وهي مش عارفه تعمل ايه بس مرة واحدة اتجهت لباب الشقة وحاولت تفتحه لاقت الباب اتفتح معاها بسهولة محستش بنفسها غير وهي داخلة اوضة النوم وبتلبس اي حاجة بسرعة وخرجت من الشقة علطول وهي بتاخد نفسها بتوتر وخو.ف

رواية الم البداية الفصل الحادي عشر 11 فريدة احمد

ريم خرجت من الشقة بسرعة ونزلت وقفت تاكسي 
وركبت فيه 
سواق التاكسي  هتروحي فين ياانسة
ريم  المقطم
وقالتلو علي العنوان بالظبط
والسوالق وصلها مكان ما قلتلو

بعد وقت ريم نزلت من التاكسي بعد ما حاسبتو 
ووقفت امام مركز التجميل اللي هي شريكة فيه مع صاحبتها داليا 
ريم اتنهدت ودخلت وهي بتبص علي المكان ببتسامة حزن 
في الداخل
(نهي )بنت من الي بيشتغلو في المكان اول ما شافتها قربت عليها وقالتلها ببتسامة  انسه ريم ازيك 
ريم  ازيك يا نهي . عامله ايه
نهي  كويسة الحمد لله . حضرتك اخبارك ايه .وليه مش بتيجي المركز بقيلك فترة 
ريم  كنت تعبانة شوية 
نهي  الف سلامه عليكي 
ريم ببتسامة  الله يسلمك 
ريم سلمت على كل الموجودين اللي اول ما شافوها كانو مبسوطين جدا 
ريم للبنات  امال فين داليا 
البنات قالولها إن داليا في الدور التاني 
ريم هزت راسها وطلعت  
داليا اول ما شافتها سابت اللي في اديها وجريت عليها وحضنتها بحب 
داليا  كنتي فين يا ريم .ليه كل شوية بتختفي .قولتيلي انك هتجيلي امبارح ومجيتيش ولما حاولت اكلمك لاقيت تليفونك اتقفل 
ريم بتعب  تعالي ندخل جوه
داليا بعد ما داخلو وقفلت الباب قعدت قدامها 
وقالتلها  مالك ياريم في ايه 
ريم مرة واحدة اتفتحت في العياط 

داليا بقلق  مالك بس ياحبيبتي 
وقربت منها وحضنتها 
داليا  في ايه ماتقلقنيش عليكي يا ريم 
ريم بعدت وقالتلها  انا تعبانه اوي   
داليا مسكت ايديها وقالتلها حبيبتي ممكن بس تفهميني مالك فيكي ايه
ريم هزت راسها وقالتلها  هقولك عشان حاسه اني تايهه  

ريم مسحت دموعها وبدأت تحكيلها علي كل حاجه وكل اللي عملو معاها حازم من وقت ما شافها في القسم 
لحد ما تجوزها . وتهديده ليها انو هايأذيها
لو ما سمعتش كلامه
داليا وهي حاطه ايديها على بوقها ومصدومة من اللي بتسمعو  معقول في انسان بالحقارة دي 
ريم بدموع  انا ادمرت ياداليا . ضحك عليا وفهمني اني مش بنت وان تقرير الطب الشرعي اثبت ان حصل بيني وبين الحيوان التاني ده عـ،ـلاقة وانا صدقتو . منا كنت متخدرة ومكنتش حاسه بحاجه  انا مش عارفه اعمل ايه
حاسه اني في كابوس حياتي كلها اتقلبت مرة واحدة 
ريم  والحيوان مش مكفيه كل اللي عملو فيا وبيقولي ان اميرة هي اللي لبستني القضي-ة دي 
ريم بحيرة  انا مش مصدقه .هي اميرة ممكن تعمل فيا كده بجد 
داليا اتنهدت وقالتلها بهدوء صدقي ياريم 
ريم بصتلها بصد@مة قبل ماداليا تكمل وتقولها  اميرة فعلاً هي اللي عملت فيكي كدة . هو مش بيكذب عليكي 
ريم بعدم تصديق  انتي بتقولي ايه . اميرة اختي وصحبتي هي اللي عملت فيا كل ده . طب الزاي .وليه 
ريم  انا مش فاهمه حاجه 
داليا  بصي يا ريم اميرة بتغير منك ومن زمان .بس انا بردو مكنتش متصورة انها هتوصل بيها السفا.لة وتعمل فيكي العملة السودا اللي عملتها دي 
ريم وهي في حالة زهول  طيب وانتي عرفتي الزاي ان هي السبب 
داليا  سمعتها بوداني وهي بتكلم المحامي واتأكدت انها هي ورا كل اللي حصلك 
داليا انتي متعرفيش كانت عاملة الزاي لما عرفت ان انتي خرجتي دي كانت هتتجنن ان خطتها فشلت 
ريم وهي بتهز دماغها من اللي بتسمعو انا مش مصدقه . اميرة! 
وضحكت بسخرية علي غباءها وهي بتقول يعني كل اللي حصلي ده من صحبة عمري . وانتي الزاي كنتي عارفه ومقوتليش
داليا  انا لسه عارفة من يومين . وهو ده الموضوع اللي كنت عايزة احكيهولك لما كلمتك امبارح بس انتي اللي اختفيتي

ريم انا مش عارفه الاقيها منين ولا منين .من حازم الزفت ولا من اميرة اللي لحد دلوقتي مش قادره استوعب انا هي اللي عملت كل ده .ولا من فارس اللي طلع معندوش اي ثقة فيا 
ريم  انتي عارفه انا حاسه بايه دلوقتي . انا اتخدعت في اكتر اتنين قريبين ليا .انتي متخيلة . حبيبي وصحبتي 
داليا  عارفه انها حاجة صعبة .بس صدقيني الاتنين 
ما يستاهلوش انك تزعلي نفسك بسببهم