زواج_عني.ف كامله
ملك:بس والله انا معملت كده كنت عايزه أبان كده للكل حتى ليك بس انا عمرى ما عرفت اعذبك افتكر انا مكنتش باجى جمبك غير لما بتضايقنى مش فاكر وكذا مره رجعت لجدو وقولتله مش هكمل بس عشان كنت حاسه بخطر منك بس طلع الخطر ده هو الحب يا حمزه انا بجد حبيتك من كل قلبى ممكن تسامحنى
حمزه:مش عارف هقدر وله لا يا ملك انا اكتر حاجه بكرهها هى الكدب وانتى كدبتى عليا وفتره كبيره كمان مش عارف
ملك مسكت أيديه:هتقدر بس حاول
حمزه شد ايديه:شكلى مش هقدر يا ملك انا اسف بس انا زيك بشر مش كل حاجه بقدر اسامح عليها
سابها ومشى
ملك دمعت ريحانه خبطتها فى ضهرها لفت ملك وحضنتها جامد
رجع حمزه الاوضه وهو متعصب
حمزه:طلعت كل ده عايش فى كدبه يا ترى حبتنى بجد وله كان مجرد كدبه
ملك مشيت مع ريحانه
ملك لريحانه:معاه حق ميسامحنيش انا عمرى ما هسامح نفسى
بس عارفه هفضل وراه واكيد هخليه يسامحنى يا رب يسامحنى يا ريحانه احسن لو مسامحنيش انا مش هسامح نفسى ابدا مكنش لازم ابدا الكذبه ديه من الاول انا اصلا مش بحب الكدب بس عارفه انا تكنيكيا مكدبتش عارفه انا خبيت بس ....لا كدبت كمتت الحقيقه ومصححتهاش اتحسبت عليا كدبه يا ربى ساعدنى
اصالحه.
رجعت ريحانه مكانها وطلعت الاوضه لقيت حمزه نايم ووشه متعصب ومكرمشه
ملك:طب انادى ولاء تجيب مكوى وله ايه
حمزه بإستغراب:مكوى ليه
ملك:عشان تفرد وشك
حمزه غمض عينيه بضيق
ملك اتنهدت ولفت جمبه: حمزه
حمزه:نامى وانتى ساكته
ملك:طب حموزى بقولك
حمزه:امممم
ملك:مش جعان
حمزه:لا شبعان كدب
ملك أضايقت:احسن خليك شبعان
حمزه قفل النور وسكت
ملك:هووووف انت زعلان طيب
حمزه:ايوه خلاص بقا
ملك:احسن اتفلق على فكره مش هممنى خليك زعلان اب'و شكلك
حمزه كتم ضحكته:نامى يا ملك واخلصى
ملك:هنخمد بس خليك فاكر انا سألتك جعان وله لا وانت قولتلى لا ماشى افتكرها
قامت وفتحت النور
حمزه:وبعدين بقا
ملك:ملكش فيه خليك فى حالك ومتقفلش النور انا بقولك اهو
حمزه:هوووف
حط المخده على وشه ودخلت ملك الحمام واتأخرت حمزه جاله فضول يعرف هى بتعمل ايه شال المخده ولسه هيقوم لقاها خارجه ولابسه بيجاما هوت شورت اسود وتيشيرت احمر كات وشعرها مفرود وحاطه ميكاب خفيف ورشت البرفان بتاعها التحفه وخارجه زى الاميرات وهى بتحرك شعرها الطويل الاسود إلى دايما بيشده.
حمزه قام وفتح بقه بصدم#مه
ملك ابتسمت ابتسامه داخليه كده ومبينتهاش وراحت مكانها
ملك:اقفل النور دلوقتى بقا عشان انام زى ما قولت
حمزه :مين قال
ملك:انت قولت
حمزه:انا خالص محصلش
ملك:لا حصل مش انت مش جعان سيبنى انام بقا الله جايه من سفر انا
حمزه:لا جعان دلوقتى جعان
ملك:لا سورى معندناش شطبنا
حمزه:مش ملاحظه انى انا إلى المفروض زعلان
ملك قامت بعـ،صبية:ومش ملاحظ انى اعتذرت وانت الى مش قابل الاعتذار عايزنى اعملك ايه يعنى اقعد اشحت سامحنى لله
