زواج_عني.ف كامله

ملك:بالظبط.
حسين:وهعرف منين بقا انى بحبها
ملك:بص انا مش عارفه بس بابا كان بيقولى زمان لما بسأله أنه عرف أنه بيحب ماما لما قلبه دق جامد ليها يعنى لما كانت تمسك ايديه كان يحس بفرحه كبيره وقلبه يدق جامد كمان بابا كان بيشوفها فى كل مكان حتى لو هى مش موجوده كان بيتخيلها جمبه الاول كان خايف بس بعدين اتعود على كده وساعتها عرف أنه مش هيعرف يعيش من غيرها
حسين:قصه حب جميله
ملك:مش كده انا كان نفسى اعيش زيها بس تقريبا مش مكتوبالى
حسين:متياسيش اكيد هتعيشى زيها
ملك بابتسامه:مين عارف بكره مخبيله ايه المهم انكمش زعلان منى.
حسين:لا مش زعلان منك انا كنت مضايق انى صغير بس خلاص فهمت.
ملك:أن الحب هو إلى بيدور علينا مش احنا إلى بندور عليه وهيجيلنا هيجيلنا بس منتسرعش
حسين هز رأسه بابتسامه:يبقا انتى بقا هتبقى صحبتى مش حبيبتى
ملك:يخساره انت محظوظه إلى هتبقا حبيبتك بس صديقتك مش وح،ـشه برضو
حسين:نخرج
ملك:نخرج
كان حمزه واقف وبيسمعهم بابتسامه من بعيد بس لما عرف انهم خارجين بعد عنهم كأنه مسمعش حاجه
ملك خرجت:حلا احنا هنمشى بقا الوقت أتأخر.
حلا:بس ابقى تعالى
ملك :اكيد ابقى اتصلى بيا بس سلميلى على نادر بقا سلام.
حلا:سلام.
مشيو ملك بالعربيه
ملك:طيب اوى حسين
حمزه:فعلا وصريح وده عجبنى جدا
ملك:حسين مش بيحب الكدب عارف لو كان كبير وحبنى كان هيبقى احسن بكتير ليا لانى انا بحب الصراحه
حمزه:بس ساعات الصراحه بتوجع
ملك:بس مع الوقت بتبقا مريحه وكلها طمئنينه فكره ان إلى بتحبهم مش بيكدبو عليك ابدا ده بيديك ثقه كبيره.
حمزه:لو كان طارق قال الحقيقة كنت سامحتيه.
سكتت ملك شويه وقالت:مكنش بس على الاقل مكنش هيصغر فى عينى انا برضو بشر فى حاجات كتير مش بقدر اسامح فيها.
حمزه سكت لحد ما وصلو الفيلا.
دخلو وكل واحد جواه كلام كتير بس مش عارف يقوله 
ولاء بعياط:ملك جدو.
استووووووب
بتعيطى ليه يا حزينه هتعرف البارت الجاى كان معكم الكاتبه منار مجدى

#زواج_عني.ف
#البارت_التاسع
بقلمى منار مجدى
ولاء بعياط:ملك جدو.
ملك بقلق:جدو ماله هو كويس
ولاء:عايز يجوزنى واحد معرفهوش
ملك:يا شيخه منك لله وقعتى قلبى فى رجلى
حمزه:وانتى بتحبى حد يعنى عشان كده مش عايزه
ولاء بعياط:لا مش بحب حد وله اعرف حد اصلا.
ملك:مين الحد ده
حمزه:وليه مش تجربة مش يمكن يطلع حد كويس.
ولاء:عامر القنطاوى
ملك:نعم مين ياختى هو فين جدو
حمزه:ليه مين عامر ده
ملك:واحد حياته كلها جد وعصبى جدا ده مش هينفع مع ولاء ديه عبيطه 
كانت ملك رايحه أحدها وحمزه وراها
حمزه:اكيد جدو عارف ده هو عارف بيعمل ايه
ملك فتحت الباب:جدو
الجد:من غير كلام يا ملك انا عارف بعمل ايه كويس
ملك:بسيل جدو انت عارف مين عامر
الجد:اه عارف شب كويس وابن ناس والراحل دخل البيت من بابه وطلب ايديها وانا وافقت خلص الموضوع
ملك:لا مش خلص اصلا شافها فين ده 
الجد:كان عندى من كام يوم عشان شغل وشافها وهى بتلعب مع عمتك.
ملك:اديك قولت بتلعب يعنى لسه طفله
الجد:هى مش طفله بقيت انسه كبيره محترمه ٢٥ سنه وده سن كويس للجواز.
حمزه:وبعدين مانتى ٢٣ ومتجوزه
ملك:انا غيرها جدو ارجوك فكر تانى.
الجد:انا اخدت قرارى يا ملك ومش راجع فيه

ملك بتحدى:ماشى يا جدو يبقا تستحمل
الجد:متعمليش اى تصرف غير بسبب اندفاعك
ملك:انت إلى بتجبرنى يا جدو ولاءاه بنت عمى بس هى اختى وانا بعتبرها مسئوليه منى ومستحيل ارضى بالظلم ده
خرجت 
الجد عقل مراتك يا حمزه
حمزه راح وراها
حمزه:ملك يا ملك فهمينى ارجوكى فى ايه
ملك:تعال
دخلو اوضتهم
ملك قعدت:اسمع يا عم عامر القنطاوى ده يبقا ابن شريك جدو فى الشركه بتاعت العيله الكبيره ماشى انا شوفته كلم مره بس هو على طول مبوظ وعصبى تخيل طرد سواقه عشان نسى يفضى كفايه السجائر إلى فى العربيه ده انسان زى الشياطين 
حمزه:بتخافى منه مش كده.
ملك بتردد:ها لا انا مش بخاف من حد بس ولاء بتخاف عارف لما كان بيجى كانت بتاخدنى ومقعد مع عمتو عشان بس تستخبا منه مره واحنا مراهقين كنت بنحى ونلعب كان هو فى بدايه العشرينات كده بالغلط ولاء داست على جزمته وعقلها جامد ساعاتها (ابتسمت)بس انا انتقمت وخليته يقضى اليوم كله فى الحمام.
حمزه بضحك:عملتى ايه
ملك بضحك:بتفكرنى بحاجات يااااه بص يا سيدى كان طالب قهوه عملت انا ايه بقا زى النينجا تسللت وحطيت حبايه أمساك عشان تعمله اسهال وطبعا محدش عرف غيرى انا وولاء وعمتو.
حمزه بضحك:ده ج،ـنان
ملك:ديه اقل حاجه عندى يابنى 
حمزه:والله انا فى نعمه
ملك بضحك:انبسط يا عم بس فى دماغى خطه هنفذهت بكره.
حمزه:خطه ايه.
ملك:لا مش هقولك مين عارف مش يمكن جا.سوس.
حمزه:اخص عليكى انا برضو.
ملك ضحكت:خلاص. بكره اقولك سيبنى بس اخطط واتكتك كويس
حمزه قام ونام على الكنبه ملك بصيت عليه بابتسامه ونامت.
حمزه مقربش ليها بس عشان هو مبسوط وهى جمبه الأيام إلى كانت بتنام فيها بعيد عن الاوضه مكنش بيجيله نوم ولو نام بيجيله كوابيس هو مبسوط بقربها ده بس برضو ميعرفش ليه 
تانى يوم صحى ملقاش ملك فى الاوضه
قام مخضوض يبص عليها ملقاش اى أثر ليها غير هدومه وخرج 
لقا جدو معدى
حمزه:جدو جدو لوسمحت مشوفتش ملك
الجد:تلقيها مع ولاء عند عمتك بيجهزو ممكن بقا انا اطلب منك طلب
حمزه:ايوه طبعا
الجد: دلوقتى هما محتاجينى فى الشركه ضرورى ينفع تقابل عامر مكانى
حمزه:اكيد طبعا حضرتك
الجد طبطب على كتفه:ده العشم برضو
سابه ومشى وحمزه راح عند مامته وخبط.على الباب
ملك:مين
حمزه:ده انا حمزه
ملك فتحت الباب براحه:جدو فين
حمزه:بيقول عنده شغل ضروري (إستغرب)ليه
ملك شديته جوه الأوضه
ملك بضيق عين:الاول معانا وله علينا
حمزه:معاكو معاكو
ملك ابتسمت:اشطا لو عرفت انك بتخ.ونا مش هيكفينى رقبتك