بنت مين دي اللي احميها أنا قلبت دادا ولا ايه
=احم ،مش شاطر ولا حاجه اتبعي التعليمات اللي علي الكيس مش اكتر
_لا أنت شاطر اوي ،و أنكل برضو كان شاطر كل الشباب في مصر شاطرين زيك
=لا أنا واحد ووحيد ولا اتكرر
_ماشي
=الميا غلت ،نفتح الكيس و نحطه في الميا ونخلي كيس التوابل معاكي
كانت واقفه بتابع ب اهتمام وهوا بيعمله ومبهوره بيه
=حطي الطعم بس ،متحطيش الشطه عشان تقيله عليكي
_مي قال أنا اصلا بحب الاكل متشفتت
=اسمها متشطشط ،و برضو لا
_لا أنا هحطه و هستحمل
=يابنتي دا حار اوي مش هتقدري
عاندت وحطته كلو ،خلصوه و حطهولها في بوله عشان تأكل وراح قعدوا علي السفره ،كانت هيا بتاكل و عيونها بتدمع من الشطه وهوا قاعد قدامها بيستمتع وهيا بتعامي ومش قادره
=قلتلك
_بس هوا مش حار اصلا
=ايوه واخد بالي، عينيكي مدمعه عشان تروي رموشك ايوه
مرت دقيقه ومستحملش يشوفها بالهبل اللي بتعمله ،سحب منها الطبق و أداها كبايه لبن شربتها بسرعه
=بلاش عناد يا جايده
مسحت دموعها و قالت بكل غرور "علي فكره مكنش حار اوي يعني "
أبتسم علي مناغشتها و كبلها لبن تاني
=ايوه انتي هتقوليلي ، بس براحه علي نفسك المره الجايه
_بس أنا عاوزه أكل منو
=هجبلك نودلز صحيه يا جايده معدتك مش متعوده علي الاكل الحار خاصتنا انك جايبه اندومي اصلا نوعه حار يا هبله
شربت كل كبايه اللبن و اتربعت علي الكرسي ب طفوليه
_علي فكره كنت هخلصه لولاك
كمل اكله وهوا بيفكر في اللي عمله من لحظات ،هوا عمره ما عمل لحد أكل ،دا بيعمل لنفسه بالعافيه ،ايه الهبل اللي حصل دا بقي ،ثم هوا ليه مهتم متاكلوا حار ولا متاكلوش هيا حره ،بس شكلها وهيا بتحاول تأكله بعناد محبوش...مهانتش عليه!!!!!!
جه علي طول موقف لما قالته يا كوكو ،حس انو مش عارف يتكلم أو يعبر عن شعوره
=جايده ،انتي اول امبارح صحيتي باليل وطلعتي عندي برا في الصاله!
#يتبع
=جايده ،انتي اول امبارح صحيتي باليل وطلعتي عندي برا في الصاله!
_لا ليه؟
=لا دا كان مجرد سؤال عادي
_تعالي نسمع فيلم سوي
=يلا أنا كدا كدا فاضي
'يا کڈlپ امال فين اللي بيحاول يوصلوله و مش قادرين عشان مطنشهم'
_فيه فيلم جديد حلو اوي بتاع الميا و lلڼlړ أنا مسمعتوش و مش عارفه اسمو
=دا ايه الميا و lلڼlړ دا
_فيلم كرتون
=انتي هتسمعينا كرتون
_ايوه
=اصلا بقي !، اللي هوا منغير شورى
_ايوه
=تمام هاتي اللي عوزاه
_اقلك دور علي الفيلم و أنا هحط الفشار في المايكرويڤ
=مفيش فشار هنا
_لا ما أنا معاي في شنطتي أنا مش بمشي منغير فشار سهل التحضير في شنطتي عشان بحبه ،انا هاخد اللي بطعم الجبنه وانت خد هديك اللي بطعم الكراميل
=ودي برضو مفيهاش اختيار
_ايوه اصل أنا بحب الفشار بالجبنه و برضو بالكراميل فا هاكل معاك برضوا
=طيب متاخدي الاثنين وخلاص
_لا العدل ، اهم حاجه
=ايوه مهو باين العدل اوي
_هروح احط الفشار
راحت حطته وهوا حاول يجبلها الفيلم اللي مش عارف اسمو
طلعت بسرعه من المطبخ وهيا بتقول بصوت متفاجئ
_انا افتكرت
=افتكرتي ايه ؟
_اسم الفيلم اسمو Elemental
=طيب ادخلي احرصي الفشار أنا كدا كدا جبته
_برافو عليك بجد شاكر زي كل مره
=انتي لو بتشجعي ابن اخوكي مش هتعملي كدا ،روحي يا جايده الله يسترك
حط الفيلم علي الشاشه و هيا جات بكيس فشار
_الفشار جهز
=دا كيسي أنا انتي حضناه كدا ليه
_اه مهو أنا حطيت بتاعك الاول عشان أكل أنا وأنت منو و بتاعي لسا في الفرن ،تدوق
=اه واضح انو بتاعي اوي
بدأ الفيلم وهما بيسمعو اول ما جه لقطه حزينه لقيها عمال تعيط مسكت فلينته و قعدت تمسح دموعها فيها ،اداها منديل بدل lلقړڤ اللي بتعمله فيه رمته و قعدت تمسح فيه ،قربت حضنت دراعه وهيا مندمجه مع الفيلم جدا بينما هوا عند اللحظه دي و نسي الفيلم و ركز مع تعبيرات وشها و تغيرها حسب المشهد
خلصت الفشار اللي المفروض يكون بتاعه
_عاوزه الفشار من الميكرويڤ لو سمحت
قالتها وهيا بتمسح دمعه نزلت منها و البطل 'الميا' حزين
فك أيده و هوا مش مصدق اللي بتعمله جاب الفشار و خطفته منه
_دا بتاعي أنت خدت بتاعك
=ايوه فعلا أنا خدته دا حتى ال فشارتين اللي كلتهم شبعوني
اتكلم بتهكم عليها وهيا منتبهه للفيلم لحد ما خلص
_نهايه لطيفه،ايه دا انت ماسك فونك مسمعتش
=مش فاضي
_انت قلت انك فاضي
=طلعت مش فاضي
_هوا أنت علي طول جد كدا
=انتي شايفه ايه
_شايفه اني اروح انام لأن اليل جه
=قرار سليم ،هروح استحمي أنا مينفعش أنا باللي انتي عملتيه فيا دا
راحت نامت و هوا خلص و راح لقيها نامت ،بطلت تقول عاوزه قصه
الصبح صحي بدري كالعاده عمل شويه تمارين قبل ما تصحي جايده خپطټ ناهد و ادته الفطار و قعدت ترغب ربع ساعه لحد ما خلصت و مشيت
اما جايده صحيت و استحمت و فطروا
=احم أنا هنزل شويه وراجع من هطول
اومأت بصمت وهوا نزل راح يشوف التعليمات الجديده وينقلهم الوضع و الحاله اللي حاصله
